ក្លឹប Manchester United និង Manchester City ប្រឈមមុខគ្នាក្នុងវគ្គផ្តាច់ព្រ័ត្រនៃពានរង្វាន់ធំមួយជាលើកដំបូងនៅថ្ងៃទី៣ ខែមិថុនា ដែលអាចថានេះជាការប្រកួត Manchester Derby ដ៏អស្ចារ្យ បន្ទាប់ពី Riyad Mahrez បានស៊ុតបញ្ចូលទី Hattrick ជួយឱ្យ Man City ឈ្នះ ៣–០ លើក្រុម Sheffield United ក្នុងវគ្គពាក់កណ្តាលផ្តាច់ព្រ័ត្រ។
យើងដឹងស្រាប់ហើយថា Manchester City កំពុងឡើងជើងខ្លាំងមែនទែនក្នុងរយះពេលមួយរយះនេះ ទន្ទឹមនឹងនេះដែលអ្នកចាត់ការរបស់បិសាចក្រហមសញ្ជាតិហូឡង់ លោក Ten Hag បាននិយាយថា៖
“ពិតណាស់ខ្ញុំយល់អារម្មណ៍អ្នកគាំទ្រ Manchester United។ យើងនឹងធ្វើអ្វីគ្រប់យ៉ាងដើម្បីផ្តល់ឱ្យពួកគេនូវពានរង្វាន់ទីពីរ អ្វីគ្រប់យ៉ាងដែលខ្ញុំមាន អ្វីគ្រប់យ៉ាងដែលក្រុមមាន អ្វីគ្រប់យ៉ាងដែលបុគ្គលិកមាន យើងនឹងផ្តល់ឱ្យពួកគេនូវអ្វីគ្រប់យ៉ាងដើម្បីសម្រេចឲ្យបាន។យើងអាចធ្វើបាន ពីព្រោះយើងធ្លាប់បានបង្ហាញវា ប៉ុន្តែវាមិនមែនជាការងារងាយស្រួលនោះទេ។ ពួកគេជាក្រុមដ៏អស្ចារ្យ ប៉ុន្តែយើងក៏នឹងមានក្រុមដ៏អស្ចារ្យ និងកីឡាករដ៏អស្ចារ្យ ហើយយើងអាចយកឈ្នះពួកគេ”៕
