យោងតាមអ្នកសារព័ត៌មាន David Ornstein ខ្សែស្លាប Riyad Mahrez នឹងចូលរួមជាមួយក្លឹបអារ៉ាប៊ីសាអ៊ូឌីត Al Ahli។
បើតាមប្រភពដដែលMahrez បានព្រមព្រៀងចូលរួម Al Ahli ហើយ ឯ Manchester City ក៏ព្រមដែរក្នុងតម្លៃផ្ទេរប្រមាណ ៣០ លានផោន។ កីឡាករវ័យ ៣២ ឆ្នាំនឹងចុះកុងត្រារយៈពេល ៣ឆ្នាំជាមួយក្លឹបអារ៉ាប៊ីសាអ៊ូឌីត។
Al Ahli នឹងប្រកាសការផ្ទេរនេះនាពេលដ៏ខ្លីខាងមុខ។
Mahrez បានផ្ទេរចូលមក Man City កាលពីឆ្នាំ ២០១៨។ កីឡាករលេងសរុប ២៣៦ ប្រកួត និងស៊ុតចូល ៧៨ គ្រាប់។
Mahrez គឺជាកីឡាករម្នាក់ទៀតដែលទើបចេញពីអឺរ៉ុបទៅចូលរួមជាមួយក្លឹបលីគកំពូលអារ៉ាប៊ីសាអ៊ូឌីតនាពេលថ្មីៗនេះ ។ កន្លងទៅមានកីឡាករល្បីៗជាច្រើនបានធ្វើដូច្នេះដូចជា Cristiano Ronaldo កីឡាករ N’Golo Kante និងខ្សែប្រយុទ្ធKarim Benzema ជាដើម៕
ប្រភព៖ Sabaynews
