ខ្សែការពារ Diogo Dalot បាននិយាយទៅសារព័ត៌មាន PA កាលពីពេលថ្មីៗនេះថា ក្នុងនាមជាកីឡាកររបស់ក្លឹប Manchester United គឺត្រូវធ្វើយ៉ាងណាឲ្យជួយជ្រោមជ្រែងក្លឹបនេះឲ្យកាន់តែជោគជ័យ។
Dalot បាននិយាយថា៖” មើលត្រលប់ទៅរដូវកាលមុន វាបានធ្វើឲ្យយើងកាន់តែមានទឹកចិត្ត និងកម្លាំងចិត្តដើម្បីខំបន្ថែមទៀតនៅក្នុងរដូវកាលនេះ ធ្វើយ៉ាងកំណត់គោលដៅឲ្យបានខ្ពស់ជាងមុនបន្តិច ហើយខ្ញុំគិតថាយើងនឹងធ្វើវាបាន “។
កីឡាករនេះបន្តថា៖” យើងប្រកួតទីនេះគឺចង់ឈ្នះ Premier League នេះជាអ្វីយើងចង់បាន។ យើងដឹងថាយើងលំបាក យើងមានក្រុមច្រើនដើម្បីប្រកួតប្រជែង តែក្នុងនាមយើងជា Man Utd យើងត្រូវជ្រោមជ្រែងក្លឹបនេះឲ្យកាន់តែជោគជ័យដើម្បីសម្រេចគោលដៅរបស់យើង “។
កាលពីរដូវកាលមុន Man Utd ឈរនៅចំណាត់ថ្នាក់ទី៣ ក្នុងតារាងប្រកួត Premier League ៕
