Lionel Messi នៅតែបន្តរកបានគ្រាប់បាល់ពីរគ្រាប់ក្នុងនោះគ្រាប់បាល់ទីពីរតាមស្មើដោយការស៊ុតហ្រ្វីឃីកយ៉ាងល្អ ខណៈ Inter Miami បានយកឈ្នះលើក្រុម FC Dallas ដោយឈានទៅកាន់វគ្គ ១/៤ ផ្តាច់ព្រ័ត្រនៃ Leagues Cup ដោយការស៊ុតបាល់ប៉េណាល់ទីដោយឈ្នះក្នុង លទ្ធផល ៥ទល់និង៣ បន្ទាប់ពីបញ្ចប់លទ្ធផលស្មើគ្នា ៤ទល់និង៤ ។
គួរកត់សម្គាល់ថាការស៊ុតបាល់ពិន័យ Free-kick នៅនាទីទី ៨៥ ដែលជាគ្រាប់បាល់ទី ៧ របស់កាពីតែនក្រុមជម្រើសជាតិអាហ្សង់ទីន ក្រោយបង្ហាញខ្លួនបាន៤ប្រកួតសម្រាប់ក្រុម Inter Miami ។ការប្រកួត Leagues Cup ដែលជាការប្រកួតសម្រាប់ក្លឹបមកពី Major League Soccer និង Liga MX របស់ម៉ិកស៊ិក មិនមានម៉ោងបន្ថែមទេដោយសារបញ្ចប់ការប្រកួតម៉ោងធម្មតាតម្រូវអោយកាត់សេចក្តីដោយបាល់ពិន័យ១១ម៉ែត្រដើម្បីជ្រើសយក១ក្រុមទៅវគ្គបន្ត។
