ទន្ទឹមនឹងការចាប់ផ្តើមយុទ្ធនាការរដូវកាលថ្មីបាល់ទាត់ក្នុងតំបន់អឺរ៉ុប ក្រឡេកមកពានធំប្រចាំទ្វីបឯណេះ ក៏សម្រេចចូលមកដល់វគ្គចែកពូលជាផ្លូវការ បន្ទាប់ទើបចាប់ឆ្នោតផ្គូផ្គងរកឃើញក្លឹបត្រូវប៉ះគ្នានៅវគ្គ Group Stage នៃមហាព្រឹត្តិការណ៍ UEFA Champions League 2023/24។
ការចាប់ឆ្នោតធ្វើឡើងនៅប្រទេសម៉ូណាកូ ដោយឈ្មោះក្លឹបទាំង ៣២ ត្រូវបានគេបត់ទៅក្នុងបាឡុងគ្រាប់បាល់នៃ Pot ទាំង ៨ មុនក្រឡុកចាប់យក ៤ ក្រុមប្រចាំពូលនីមួយៗ ពី A ដល់ H តែតាមច្បាប់ដូចសព្វមួយដង UEFA មិនអនុញ្ញាតឲ្យមានការជួបគ្នារវាងក្លឹបមកពីប្រទេសតែមួយឡើយ។ ជាលទ្ធផលមានដូចតទៅនេះ៖
Group A: Bayern Munich, Manchester United, Copenhagen, Galatasaray
Group B: Sevilla, Arsenal, PSV, Lens
Group C: Napoli, Real Madrid, Braga, Union Berlin
Group D: Benfica, Inter Milan, RB Salzburg, Real Sociedad
Group E: Feyenoord, Atletico Madrid, Lazio, Celtic
Group F: PSG, Borussia Dortmund, AC Milan, Newcastle
Group G: Manchester City, RB Leipzig, Red Star Belgrade, Young Boys
Group H: Barcelona, Porto, Shakhtar Donetsk, Royal Antwerp
ជាការពិតក្នុងចំណោមគូត្រូវប៉ះគ្នា ចាប់អារម្មណ៍ទៅពូល A ជំនួប Bayern-Man United ខកខានកើតមានតាំងរដូវកាល ២០១៣/១៤ ដល់គិតមកទល់ឥឡូវចូលមួយទសវត្សហើយ។ ស្ថិតិប៉ះគ្នា ១១ ប្រកួត ខាងក្លឹបអាល្លឺម៉ង់ឈ្នះ ៤ ស្មើ ៥ ខណៈក្លឹបអង់គ្លេសឈ្នះ ២។ ប៉ុន្តែបើសួរថា ពូលណាជាពូលមរណៈ CTS SPORTS សូមចុចយកពូល F ឯណោះ ព្រោះទាំង ៤ ក្លឹប សុទ្ធគីឡូធ្ងន់ប្រហែលគ្នា មានម្ចាស់ជើងឯក Ligue 1 គឺ PSG ក្លឹបឈរលេខ ២ នៅ Bundesliga គឺ Dortmund ដល់ហើយមកប៉ះគីឡូក្លឹប Top 4 នៅលីគលំដាប់ខ្ពស់អ៊ីតាលី អង់គ្លេសថែមទៀត។
គួរបញ្ជាក់ដែរថា ពានរង្វាន់ដ៏ធំសម្បើមនេះ ក៏នឹងមានផ្សាយបន្តផ្ទាល់លើទំព័រ CTS SPORTS ចាប់ពីថ្ងៃទី ២០/២១ កញ្ញាខាងមុខតទៅ ស្របពេលវគ្គផ្តាច់ព្រ័ត្ររកម្ចាស់ជើងឯកនឹងកើតឡើងនៅថ្ងៃទី ០២ មិថុនា ឆ្នាំ ២០២៤ ក្នុងកីឡដ្ឋាន Wembley Stadium នៃទីក្រុងឡុង ចក្រភពអង់គ្លេស៕
