Paul Pogba កំពុងប្រឈមមុខនឹងការហាមប្រាមរយៈពេល ៤ ឆ្នាំ និងការលុបចោលកិច្ចសន្យា Juventus បន្ទាប់ពីការវិភាគបន្ទាប់បន្សំបានបញ្ជាក់ពីការធ្វើតេស្តឃេីញវិជ្ជមានសារធាតុញៀន។Juventus ផ្អាក Pogba បណ្ដោះអាសន្ន កាលពីថ្ងៃទី១១ ខែកញ្ញា បន្ទាប់ពីបានធ្វើតេស្តសារធាតុញៀនជាមួយនឹងកម្រិតអ័រម៉ូន Testosterone ខ្ពស់ខុសពីធម្មតា បន្ទាប់ពីទទួលជ័យជម្នះ Serie A ទល់នឹង Udinese កាលពីខែសីហា។
Pogba បានស្នើសុំឱ្យយកគំរូដើម្បីធ្វើការវិភាគម្តងទៀតដោយសង្ឃឹមថាអវិជ្ជមាន ហើយឈ្មោះរបស់គាត់អាចត្រូវបានដកចេញវិញ។ទោះជាយ៉ាងណាក៏ដោយ Gianluca Di Marzio បានបញ្ជាក់ថាការវិភាគបន្ទាប់បន្សំក៏បានត្រលប់មកវិញនូវការរកឃើញវិជ្ជមានផងដែរ ដោយពេលនេះ Juventus កំពុងពិចារណាអំពីនីតិវិធីបន្ត។
វាអាចទៅរួចដែល Juventus ជ្រើសរើសវិធីលុបចោលកិច្ចសន្យារបស់ Pogba ដែលទុកឱ្យគាត់ប្រឈមមុខនឹងការហាមឃាត់បាល់ទាត់រយៈពេលវែងដោយតុលាការជាតិប្រឆាំងនឹងសារធាតុញៀនរបស់ប្រទេសអុីតាលីដោយខ្លួនឯង។សេណារីយ៉ូករណីដ៏អាក្រក់បំផុតសម្រាប់ Pogba នឹងត្រូវបានហាមឃាត់រយៈពេល ៤ ឆ្នាំប្រសិនបើគាត់ត្រូវបានគេរកឃើញថាបានបង្កើនកម្រិតអ័រម៉ូន Testosterone ដោយស្ម័គ្រចិត្ត។ ប្រសិនបើរកឃើញថាការកើនឡើងនេះគឺជាការមិនស្ម័គ្រចិត្ត ទោសអតិបរមានឹងត្រូវហាមឃាត់ត្រឹមតែរយៈពេលពីរឆ្នាំ៕
