អារ៉ាប៊ីសាអ៊ូឌីត នឹងធ្វើជាម្ចាស់ផ្ទះរៀបចំកម្មវិធីប្រកួតកីឡា FIFA World Cup 2034។ នេះបើយោងតាមការចុះផ្សាយរបស់ Aljazeera កាលពីម្សិលមិញនេះ។
បើតាមប្រភពខាងលើ អារ៉ាប៊ីសាអ៊ូឌីតច្បាស់តែធ្វើជាម្ចាស់ផ្ទះកម្មវិធីនេះហើយ ព្រោះតែប្រទេសដែលដាក់ការប្រកួតប្រជែងក្នុងការធ្វើជាម្ចាស់ផ្ទះកម្មវិធីខាងលើនេះគឺមានតែប្រទេសនេះប៉ុណ្ណោះ។
អូស្ត្រាលីជាប្រទេសធ្លាប់មានបំណងរៀបចំព្រឹត្តិការណ៍ខាងលើ បានដកខ្លួនវិញកាលពីម្សិលមិញ ដែលជាថ្ងៃចុងក្រោយនៃការដាក់ពាក្យចូលរួមប្រកួតប្រជែងធ្វើជាម្ចាស់ ដែលធ្វើឲ្យ អារ៉ាប៊ីសាអ៊ូឌីត ជាបេក្ខជនតែមួយដែលបានដាក់ពាក្យ។
គួរបញ្ជាក់ផងដែរ អារ៉ាប៊ីសាអ៊ូឌីតធ្លាប់បានប្រកួតប្រជែងក្នុងការរៀបចំ World Cup ក្នុងប្រទេសរបស់ខ្លួនជាច្រើនលើក ហើយនេះជាលើកទី១ ដែលប្រទេសនេះអាចនឹងទទួលបានជោគជ័យ៕
