យោងតាមរបាយការណ៍បានឱ្យដឹងថា អ្នកចាត់ការទូទៅក្រុមបិសាចក្រហម Manchester United លោក Erik ten Hag បានត្រៀមខ្លួនរួចជាស្រេចក្នុងលក់ខ្សែបម្រើប្រយុទ្ធស្លាប Antony ឲ្យចាកចេញេពីក្លឹបនៅខែមករា បន្ទាប់ពីលោក Ten Hag លែងមានទំនុកចិត្តលើអតីតកូនក្រុមនៅ Ajax រូបនេះបន្តទៀត ខណៈដែលខ្សែបម្រើប្រេស៊ីលវ័យ ២៣ឆ្នាំរូបនេះ មានតម្លៃខ្លួន ៨៥ លានផោន ផ្ទេរពីសំណាក់ក្លឹប Ajax កាលពីរដូវកាលមុន ហើយវាជាតម្លៃដ៏ខ្ពស់បំផុតលើសពីសមត្ថភាព។ បើតាមរបាយការណ៍មួយផ្សេងទៀតពី Daily Mirror បានឲ្យដឹងថា លោក Ten Hag ចង់ដោះដូរ Antony ជាមួយមិត្តរួមក្រុមជម្រើសជាតិប្រេស៊ីល Gabriel Barbosa ពី Flamengo ចំពេលក្លឹប Flamengo ក៏កំពុងចាប់អារម្មណ៍ចង់បាន Antony ក្នុងលក្ខខណ្ឌខ្ចីជើង៕
