Chelsea លើកចុងក្រោយឈ្នះ Premier League កំឡុងរដូវកាលដំបូងរបស់លោក Guardiola នៅ Manchester City ក្នុងឆ្នាំ 2016-17។ចាប់តាំងពីពេលនោះមក វាគឺជា Man City ដែលបានគ្រប់គ្រងការប្រកួត ដោយបានគ្រងពាន 5 ក្នុងយុទ្ធនាការ 6 ចុងក្រោយ។
Chelsea បានយកឈ្នះ Man City ក្នុងវគ្គផ្តាច់ព្រ័ត្រ Champions League ឆ្នាំ 2021 ប៉ុន្តែមានភាពច្របូកច្របល់ជាច្រើននៅក្លឹប London ចាប់តាំងពីពេលនោះមក ហើយបច្ចុប្បន្នពួកគេឈរនៅលេខ 10 ក្នុងតារាង។
លោក Guardiola ដែលដឹកនាំក្រុមរបស់គាត់ទៅកាន់កីឡដ្ឋាន Stamford Bridge នៅថ្ងៃអាទិត្យបាននិយាយថា៖
“Chelsea នៅតែជាក្រុមសំខាន់មួយក្នុងប្រទេសអង់គ្លេស។ វាជាការពិតដែលថានៅក្នុង Premier League ពួកគេមិនទំនងឈ្នះពាននៅក្នុងរដូវកាលចុងក្រោយនេះទេ ប៉ុន្តែពួកគេនៅតែជាក្រុមខ្លាំងបំផុតមួយ មិនមានការសង្ស័យអំពីរឿងនោះទេ។ខ្ញុំឃើញថាក្នុងការប្រកួតចុងក្រោយគេនៅមានភាពរស់រវើក ពួកគេមានស្មារតីល្អ ពួកគេមានមហិច្ឆិតា មានគំរូល្អ។ គុណភាពគឺនៅតែមាន។
វាគឺជាការប្រកួតដ៏លំបាកបំផុតមួយ ដែលយើងមានក្នុងរដូវកាលនេះ។ មិនយូរមិនឆាប់ Chelsea នឹងទៅទីនោះដើម្បីប្រជែងយកពាន ហើយខ្ញុំទាយថាឆាប់ជាងនេះ”៕
