ខ្សែប្រយុទ្ធ Kylian Mbappe គឺជាគោលដៅកំពូលសម្រាប់ Real Madrid ចាប់តាំងពីគាត់ស្នាក់នៅ AS Monaco មកម៉្លេះ មុនពេលផ្លាស់មកកាន់ Paris Saint-Germain ខណៈកិច្ចសន្យាកុងត្រាមានសុពលភាពដល់ខែមិថុនា ឆ្នាំ ២០២៤ ហើយមិនមានសញ្ញាថា Mbappe បន្តកុងត្រាថ្មីជាមួយ PSG នោះទេ។ យោងតាមសារព័ត៌មាន AS បានឲ្យដឹងថា អធិរាជស Real Madrid កំពុងស្វះស្វែងពន្លឿនផែនការចុះហត្ថលេខានាំយក Mbappe នៅដើមខែមករាខាងមុខនេះ។ យ៉ាងណាមិញ Real Madrid គ្រោងនឹងទាក់ទងទៅម្តាយ Mbappe និងចង់ធ្វើកិច្ចព្រមព្រៀងផ្លូវការតែម្តង។ ទោះជាយ៉ាងណាក៏ដោយ Real Madrid បានត្រៀមផែនការទី២ ដើម្បីដេញថ្លៃនាំយកខ្សែប្រយុទ្ធ Erling Haaland របស់ក្រុម Manchester City ឲ្យមកលេងរួមក្រុមជាមួយខ្សែបម្រើឆ្នើម Jude Bellingham ដែលកំពុងតែឡើងកូតគួរឲ្យកត់សម្គាល់ មិនថានៅ UCL ឬ Laliga៕
