ខ្សែប្រយុទ្ធរបស់ក្លឹប As Roma កីឡាករ Romelu Lukaku ជឿជាក់ថា ខ្សែប្រយុទ្ធឆ្នើមរបស់ក្លឹបមេឃខៀវ ​Manchester City កីឡាករ Erling Haaland និង Kylian Mbappe របស់ក្លឹបយក្សបារំាង Paris Saint-Germain ជាអ្នកបន្តវេនពីខ្សែប្រយុទ្ធឆ្នើមលំដាប់ពិភពលោក Lionel Messi និង Cristiano Ronaldo ក្រោយពីពួកគាត់បានប្រកួតប្រជែងគ្នាអស់រយៈពេលជាង ១០ ឆ្នាំនៅលីគ Laliga ។

ទន្ទឹមនឹងនេះ Lukaku បាននិយាយថា៖ «Erling Haaland និង Kylian Mbappe នឹងអង្រួនពិភពបាល់ទាត់ក្នុងរយៈពេល ១០ ឆ្នាំខាងមុខកាន់តែមានទស្សនីយភាពដ៏អស្ចារ្យ។ ពួកគេគឺជាអ្នក​តស៊ូ​​ជំនាន់​ថ្មី… ពួកគេ​នឹង​កាន់កាប់​តំណែងត​ពី Lionel Messi និង Cristiano Ronaldo ក្នុង​រយៈពេល ២ ឆ្នាំ​ខាងមុខនេះជាក់ជាមិនខាន»៕