កាលពីរាត្រីយប់មិញ ក្រុមមេឃខៀវ Manchester City បានផ្តួលក្រុមភ្ញៀវ Huddersfield ក្នុងដី ៥ទល់នឹង០ នៅក្នុងពានរង្វាន់ FA Cup ជុំទី៣ ខណៈខ្សែបម្រើឆ្នើមប្រចាំក្រុម Kevin De Bruyne បានត្រលប់មកជួយក្រុម ManCity វិញ ដែលត្រូវបានអ្នកគាំទ្ររង់ចាំយ៉ាងអន្ទះសារជាយូរមកហើយនោះ បន្ទាប់ពីអវត្តមានគាត់អស់រយៈពេលជិតប្រាំខែ ដោយសារជួបបញ្ហាវះកាត់សរសៃពួរ។ ខ្សែបម្រើសញ្ជាតិបែលហ្សិកវ័យ ៣២ ឆ្នាំរូបនេះនៅលើទីលានបានត្រឹមតែ ១៨នាទីប៉ុណ្ណោះ ប៉ុន្តែគាត់នៅតែអាចបញ្ចូនបាល់ឲ្យមិត្តរួមក្រុម Doku ស៊ុតបញ្ចូលទីបាននៅនាទីទី៧៤ ដែលនេះជាអ្វីដែលអ្នកគាំទ្រចង់ឃើញ។ មិនតែប៉ុណ្ណោះ ខ្សែបម្រើឆ្នើម Foden រកបាន២គ្រាប់ និងខ្សែប្រយុទ្ធ Alvares ក៏រកបាន១គ្រាប់ផងដែរ សម្រាប់ Man City នៅក្នុងការប្រកួតមួយនេះ៕
