អ្នកចាំទីដៃទី១ Thibaut Courtois របស់ក្លឹបអធិរាជស Real Madrid បានរងរបួសដាច់សរសៃពួរជង្គង់និងត្រូវខក​ខានបង្ហាញខ្លួនចូល​រួមការ ប្រកួត មួយចំនួនធំនៃរដូវកាល២០២៣-២០២៤នេះ ខណៈកីឡាករ​អន្តរជាតិ​បែលហ្សិក​វ័យ​៣១​ឆ្នាំ​នឹង​ត្រូវត្រៀមធ្វើការ​វះកាត់​នៅ​ប៉ុន្មាន​ថ្ងៃ​ខាង​មុខនេះ។បង្ហាញខ្លួនចូលលេងអោយុក្លឹបបាន២៣០ប្រកួត Courtois និងត្រូវខកខានប្រកួតបើកឆាកពានលីកកំពូលអេស្បាញជាមួយ Athletic Bilbaoនៅថ្ងៃសៅរ៍ស្អែកនេះក្រោយពីរូបគេក៏ធ្លាប់ជួយអោយReal Madrid លើកពាន La Liga ២ដង និងឈ្នះពាន Premier League ពីរដងជាមួយ Chelsea និងពាន La Liga មួយលើកជាមួយ Atletico Madrid ក្នុងឆ្នាំ ២០១៤។ ជាមួយគ្នានោះដែររូបគេក៏បានឈ្នះ Champions League នៅឆ្នាំ ២០២២ ជាការប្រកួតដ៍តានតឹងជាមួយ Liverpool ។


ដូច្នេះកីឡាករជម្រើសដៃទី២សញ្ជាតិអ៊ុយក្រែនAndriy Lunin និងត្រៀមបង្ហាញខ្លួនចូលលេងជំនួស Courtois ខណៈក្រុមលោក Carlo Ancelloti បច្ចុប្បន្នកំពុងសម្លឹងឃើញអតីតអ្នកចាំទី Man.Utd កីឡាករ David De Gea មកជំនួសតំណែងជម្រើសដៃទី១នោះ បន្ទាប់ពី​កីឡាករ​អន្តរ​ជាតិ​អេស្បាញបានចាកចេញពីទឹកដី Old Trafford ក្រោយចំណាយពេល១២រដូវកាលនៅទីនោះ និងបច្ចុប្បន្នមិនទាន់ មានក្លឹបលេង។