Anthony Martial វ័យ ២៧ ឆ្នាំបានមក United តាំងពីឆ្នាំ ២០១៥ នៅពេលដែលគាត់បានផ្លាស់ទៅ Old Trafford ពី Monaco ក្នុងតម្លៃ ៣៦ លានផោន។គាត់បានស៊ុតបញ្ចូលទីបាន ៨៨ គ្រាប់ក្នុង ៣០០ ប្រកួតសម្រាប់ក្លឹប Old Trafford នាពេលនោះ ប៉ុន្តែវាហាក់ដូចជាមិនទំនងដែលគាត់នឹងនៅ United យូរជាងនេះ។
កិច្ចសន្យារបស់គាត់នៅ United នឹងផុតកំណត់នៅរដូវក្តៅក្រោយ ទោះបីជាក្លឹបមានជម្រើសក្នុងការបន្តកិច្ចសន្យានេះ ១២ ខែបន្ថែមទៀតក៏ដោយ។
Martial គឺជាកីឡាករម្នាក់ក្នុងចំណោមកីឡាកររបស់ក្រុមបិសាចក្រហមជាច្រើនដែលអាចត្រូវបានលក់ចេញ ជាមួយនឹងរយៈពេលប៉ុន្មានថ្ងៃនៃទីផ្សារ ដោះដូរកីឡាករដែលនៅសេសសល់ក្នុងការដេញថ្លៃដើម្បីនាំយកប្រាក់ដែលបន្ទាប់មកអាចត្រូវបានប្រើសម្រាប់ការទិញកីឡាករថ្មីៗបន្ថែមទៀត។យោងតាម Fichajes ក្លឹប United បានផ្តល់ជូន Martial ទៅឱ្យ Real Madrid លើកិច្ចព្រមព្រៀងខ្ចីជើងដំបូងជាមួយនឹងជម្រើសទិញកីឡាករបារាំងក្នុងតម្លៃ ១៥ លានអឺរ៉ូ ហើយជម្រើសទិញផ្តាច់នោះ អាចនឹងត្រូវដកចេញវិញ បើក្លឹបអេស្ប៉ាញមិនត្រូវការ។
ក្លឹប Santiago Bernabeu ត្រូវការការពង្រឹងតំបន់ប្រយុទ្ធ បន្ទាប់ពីការចាកចេញរបស់ខ្សែប្រយុទ្ធជើងចាស់ Karim Benzema ទៅ Al-Ittihad ក្នុងប្រទេសអារ៉ាប៊ីសាអ៊ូឌីតកាលពីដើមរដូវក្តៅនេះ៕
