ក្នុងកិច្ចប្រជុំនៅថ្ងៃទី០៥ខែសីហាឆ្នាំ២០២៣ កន្លងទៅប្រធានលីគកំពូលបាល់ទាត់កម្ពុជា Cambodia Premier League លោក Satoshi Saito បានបង្ហាញចំណាប់អារម្មណ៍របស់លោករូបសម្រាប់ក្រុមជម្រើសជាតិកម្ពុជា។ លោក Satoshi Saito បាននិយាយថា៖ «ហេតុអ្វីអ្នកគាំទ្រក្រុមជម្រើសជាតិកម្ពុជា មានចរិតស្លូតបូត តែងតែប្រើពាក្យលើកទឹកចិត្តនៅពេលក្រុមរងបរាជ័យ។ លោកបន្តទៀតថា៖ «អ្នកគាំទ្រគួរតែហ៊ានរិះគន់ឲ្យខ្លាំងៗ ទៅលើភាពបរាជ័យនោះ ដើម្បីឲ្យគ្រូបង្វឹកកែប្រែ ព្រោះកន្លងមក ខ្ញុំមើលឃើញថា លើកទឹកចិត្តដដែលៗ ខណៈលទ្ធផលវិញ មិនមានអ្វីប្លែកសោះ»។
ប្រភព៖ Cambosports
ប្រធានលីគកម្ពុជាស្នើដល់អ្នកគាំទ្រជម្រើសជាតិរៀនបន្ទោសគ្រូបង្វឹក និងកីឡាករផង កុំចូលចិត្តលើកទឹកចិត្តពេក ព្រោះនៅជប៉ុនគេមិនធ្វើចឹងទេ
