លោក Erik Ten Hag បានអះអាងថា ក្លឹបបិសាចក្រហម Manchester United ត្រូវបានអាជ្ញាកណ្តាល់ប្រឆាំងទល់នឹងពួកគេស្ទើតែពេញមួយរដូវកាលហើយ បន្ទាប់ពីក្រុមរបស់លោកមិនទទួលបានបាល់ប៉េណាល់ទីក្នុងជំនួបទល់នឹងក្រុមមាន់ក្នាយមាស Tottenham Hotspur។ គ្រូបង្វឹករបស់ក្លឹប Manchester United រូបនេះបានបង្ហាញអារម្មណ៍ខឹងសម្បារជាខ្លាំង ក្រោយពេលដែល Alejandro Garnacho ដួល ដោយការរុញដោយ Destiny Udogie ក្នុងវគ្គទីមួយ ខណៈពុំមានការពិនិត្យ VAR ឡើយ ដោយជាហេតុធ្វើឲ្យលោក Erik Ten Hag មិនសប្បាយចិត្តឡើយ។ ក្រោយចប់ការប្រកួតលោក Erik Ten Hag បាននិយាយថា៖ «តើអ្នកអាចធ្វើអ្វីបាន? តែខ្ញុំធ្លាប់ហើយ ព្រោះស្ទើតែពេញមួយរដូវកាលហើយដែលយើងជួបករណីបែបនេះ, ហើយនេះក៏ដូចគ្នា។»
